Zjarrvënësit në ambasadën e SHBA Serbia i dënon me kusht




Gjykata e Lartë në Beograd i ka dënuar me burgim me kusht 9 persona të akuzuar për djegien e Ambasadës amerikane më në vitin 2008 pas shpalljes së pavarësisë së Kosovës në vitin 2008 dhe pas njohjes së saj nga ShBA dhe nga vende perëndimore.

 

Të gjithë të gjykuarve u janë shqiptuar dënime me burgim me kusht nga 5 deri në 10 muaj, të cilat duhet t’i kryejnë nëse në dy – tri vjetët e ardhshëm bëjnë ndonjë vepër penale, njofton B92, transmeton Koha.net.

Të akuzuarit janë liruar nga fajësitë për sulmet në Ambasadën kroate dhe në atë gjermane.

Të dënuari me kusht me nga 10 muaj burgim janë Dejan Vuçkoviq e Nikola Kosanoviq, Gjorgje Tomin, Dragan Marinkov, Mladen Nebrigiq dhe Marko Novitoviq janë dënuar me burgim me kusht nga tetë muaj, me nga gjashtë muaj janë dënuar Milan Tomas e Filip Backoviq ndërsa Drazhenko Nikoliq është dënuar me pesë muaj.

Janë liruar nga fajësia Dushan Sedlar dhe Aleksandar Erceg.