Ministria e Thaçit mban një zyrtare në dy funksione

Heroina Telaku mban dy pozita pune njëkohësisht, në zyra që kanë diku 2.500 kilometra distancë mes vete. Sipas dokumenteve, ajo punon edhe në Prishtinë e edhe në Londër.




Në Prishtinë ishte të hënën, shkruan sot “Koha Ditore”. Gazeta ka telefonuar në numrin zyrtar të Departamentit për planifikim të politikave, që është pjesë e Ministrisë së Punëve të Jashtme, dhe është lajmëruar ajo. Është drejtoreshë e këtij departamenti.

Këtë funksion e ushtron në bazë të një vendimi të prillit të sivjetmë, i firmosur nga sekretari i përgjithshëm i ministrisë, Kreshnik Gashi.