Vuçiq tregon datën e bisedimeve të radhës me Kosovën

Kryeministri serb, Aleksandër Vuçiq, në Forumin e pesëtë të Sigurisë në Beograd, gjatë fjalimit të tij ka treguar datën e takimit të ardhshëm mes Kosovës dhe Serbisë.




«Ne do të vazhdojmë bisedimet me Kosovën në 13 tetor të këtij vitit dhe nuk kam asnjë dilemë se do të kapërcejmë dallimet në mënyrë paqësore», tha Vuçiq në fjalimin e tij të mbajtur në atë forum.

Ai theksoi se Serbia do të vazhdon punën në ruajtjen e stabilitetit, si parakusht për zhvillim ekonmik.

Vuçiq tha se Serbia do të bëhet fuqia e re ekonomike në Europë, duke shtuar se deficiti fiscal i Serbisë po ulet afër nivelit të Maastricht, që do të thotë shumë për Serbinë, regjionin dhe integrimin evropian.