Shqipëria pëson sërish në fund

Shqipëria nuk ka arritur të nxjerrë një pikë në ndeshjen me Francën duke pësuar në minutat e fundit.

Football Soccer - France v Albania - EURO 2016 - Group A - Stade Vélodrome, Marseille, France - 15/6/16 Albania's Ermir Lenjani shoots REUTERS/Yves Herman Livepic

Një gol i Antoine Griezmann në minutën e fundit të kohës së rregullt dhe një i Dmitri Payetit në minutat shtesë i siguruan Francës fitoren e dytë në Euro 2016.

Shqipëria arriti të mbahej mirë deri në fund, por siç pësoi edhe në kualifikime ndaj Portugalisë dhe Serbisë, pësoi edhe në ndeshjen e dytë të Grupit A.

Kombëtarja kuqezi mbetet pa pikë pas dy ndeshjeve. Franca ka gjashtë, Zvicra katër dhe Rumania një. Shpresa e vetme për kualifikim tutje në Euro 2016 mbetet nëse kuqezinjtë mposhtin Rumaninë në ndeshjen e tretë dhe me tri pikë futet në katër ekipet me bilancin më të mira nga pozitat e treta të gjashtë grupeve.