Sa herë që të ikësh

Foto: Shutterstock



Sa herë që të ikësh nga vetvetja
mos harro se unë të pres
në tri apo katër pika horizonti

përherë do të ketë një vend kudoqoftë
plot me tërë ato mirëseardhje
të gjitha që nga larg të njohin ty
e të presin me një festë të thjeshtë
pa këngë pa shkëlqim e as daulle
sa vetëm ti do ta kuptosh se është për ty

sa herë që të ikësh nga vetvetja
mundohu që jeta jote të mos thyhet
dhe vetja jote të mos vuajë braktisjen
dhe kurrë mos harro se të pres
me këtë zemër të sapozgjedhur
në panairin më të mirë të së dielës

sa herë që të ikësh nga vetvetja
mos e shkatërro rrugën e kthimit
të kthehesh do të thotë të jesh prapë
dhe ke për të parë se unë të pres.

(Përktheu Bajram Karabolli)