Pesë të vdekur nga tërmeti në Kili

Së paku 5 persona kanë vdekur dhe dhjetëra të tjerë janë lënduar si pasojë e tërmetit prej 8.3 shkallësh që goditi zonën bregdetare të Kilit, duke shkaktuar valë në madhësi prej 4.5 metra.

People recover items from a destroyed shop caused by the waves in Concon city September 16, 2015, after a mass evacuation of the entire coastline during a tsunami alert after a magnitude 8.3 earthquake hit off the coast of Chile on Wednesday. REUTERS/Rodrigo Garrido TPX IMAGES OF THE DAY



Sipas medieve, më shumë se 1 milion banorë janë evakuuar, e në disa qytete mbretëronte kaos e panik. Tërmeti goditi zonën prej 167 kilometrash në veri të portit Valparaiso.

Ai u ndie edhe në kryeqytetin Santiago dhe shkaktoi paralajmërim për cunami në Kili, Peru dhe Havai. Disa dëshmitarë kanë thënë se tërmeti u ndie qysh në Buenos Aires, plot 1200 kilometra larg. Duke iu drejtuar kombit nga televizioni shtetëror, presidentja e vendit, Michelle Bachelet, konfirmoi 5 viktimat.

Ajo tha se të enjten gjatë ditës do të udhëtojë në zonën e prekur nga tërmeti. Tërmeti goditi vendin në kohën kur mijëra kilianë ishin duke udhëtuar në bregun e vendit për të kremtuar festën kombëtare, Patrias.