Parlamenti Studentor paralajmëron për nesër protestë para Rektoratit të UP-së

Parlamenti Studentor i UP-së përmes një komunikate për medie ka njoftuar se nesër, më tetë tetor, nga ora 11 do të organizojë një protestë para godinës së Rektoratit të UP «Hasan Prishtina».




Në njoftim nuk përmenden kërkesat me të cilat do të dilet në këtë protestë, por një ditë më parë ata kërkuan më shumë afate provimesh dhe shkarkimin e rektorit Ramadan Zejnullahu.

Kërkesë për shkarkimin e rektorit kanë bërë edhe disa dekanë dhe anëtarë të Senatit të këtij universiteti.

Rektori Zejnullahu ka kërkuar efikasitet në studime dhe kritere serioze për avancim në tituj të kuadrit mësimdhënës.