Mëngjesi

Foto: Shutterstock



Hodhi kafe
Në filxhan
Hodhi qumësht
Në filxhan të kafesë
Hodhi sheqer
Në kafe me qumësht
I përzjeu
Pastaj e piu
Qumështin me kafe
Dhe e la filxhanin
Atje
Pa nxjerrë fjalë
Ndezi cigare
Thithi duhanin
Nxori tymin rrotullamë
Shkrepi hi
Në tavllën përbri
Pa një fjalë
Pa më parë
Pastaj u ngrit
Vuri kapelën
Veshi mushamanë
Se binte shi
Dhe u nis
Nëpër shi
Pa nxjerrë fjalë
Pa më parë
Zura fytyrën me duar
Dhe qava e trishtuar…

Përktheu: Dalan Shapllo