Me zemër gazetar




Ferit Emini prej 15 vjetësh e moderon vullnetarisht programin shqip në radion ‹Kanal K›, në Aarau. Ai bisedon me dëgjuesit dhe i qeras ata me muzikë shqipe nga fondi i tij prej më se 4’000 këngësh.

Teksti dhe foto Kujtim SHABANI

«Dëgjues të nderuar, mirëmbrëma! Jeni me emisionin ‹Zëri i mërgimtarit› në ‹Kanal K›», dëgjohet Ferit Emini deri në Francë dhe Gjermani, në veri-perëndim të Zvicrës. Ndërsa për disa sekonda e lëshon himnin e emisionit, e pi një gllënjkë ujë për të vazhduar me programin: lajme-muzikë, urime-muzikë, biseda-muzikë…

Prej 15 vjetësh, Ferit Emini e udhëheq këtë program. Çdo të hënë, me emocione, sikur e bën për herë të parë, nga ora 19:00 deri në 20:00. Nga 11 gushti i këtij viti filloi transmetimi 120-minutësh, nga ora 19:00 deri në 21:00.

Shqipja, në vendin e parë

Radioja alternative ‹Kanal K› në Aarau ekziston prej rreth 25 vjetësh. Ajo momentalisht transmeton program në 26 gjuhë: persisht, kurdisht, turqisht, serbisht, kroatisht… «Ne jemi në vendin e parë», pohon Ferit Emini, udhëheqës i programit në gjuhën shqipe në këtë radio. «Interesimi i shqiptarëve është më i madhi», konfirmon ai.

Deri 15 paraqitje të dëgjuesve regjistron ai brenda një ore emision. Komunitetet e tjera e kanë një orë program në dy javë, shqiptarët i kanë fituar dy orë në javë. Shumica e dëgjuesve dhe e bashkëbiseduesve të tij janë mërgimtarë shqiptarë që jetojnë në regjionin e Kantonit të Aargaut. Po atij i paraqiten dëgjues edhe nga Franca e Gjermania. Gjatë sezonit të pushimeve ka më pak thirrje telefonike, pranon Emini. Dëgjuesit e tij besnikë lajmërohen edhe nga Kosova, Maqedonia e Shqipëria. «Një ditë m’u paraqit një dëgjuese nga Mirdita!», rrëfen me kënaqësi Ferit Emini. «Ata e dinë orarin e transmetimit të emisionit dhe i përcjellin mesazhet e tyre nga pushimet në vendlindje», vazhdon ai.

Në fillim të programit moderatori i lexon disa lajme aktuale nga bota shqiptare. Pjesën më të madhe të emisionit e përbëjnë dëshirat muzikore në gjuhën shqipe. «Nganjëherë kemi edhe mysafirë në studio», e shpjegon ai përbërjen e programit shqip në ‹Kanal K›. Aty për aty, moderatorit i kujtohen Hamzë Morina – kryetar i Lidhjes së Arsimtarëve dhe Prindërve Shqiptarë në Zvicër, Milaim Rama – ish-futbollistit shqiptar në Kombëtaren e Zvicrës, Baca Raif Hajrullahu – një mërgimtar i respektuar nga Brugu.

Direktiva programore nga Bordi nuk ka. Deviza e tij është: Më pak informacion, më shumë argëtim. Ferit Emini transmetonte edhe materiale të regjistruara në manifestime të mërgimtarëve shqiptarë në Zvicër – intervista dhe program muzikor. Por, një ditë ia huazoi njëri aparaturën e regjistrimit dhe nuk ia ktheu më…!

Programi shqip, në duar të sigurta

Transmetimi i programit shqip në ‹Kanal K› ka filluar në vitin 1997. Udhëheqësit e tij të parë u dorëzuan pas dy vjetësh. «Si i ri e kam ndjekur me pasion të madh Radio Tiranën – emisionin ‹Për shqiptarët jashtë Atëdheut›», rrëfen Ferit Emini. «Nga ajo kohë jam dashuruar në radion», thekson ai. Ky ishte pasioni më i shtrenjtë në Jugosllavi: Për disa minuta kënaqësi mund t’i haje pesë vjet burg!

Ferit Emini ishte paraqitur ta moderonte programin shqip në ‹Kanal K› sapo kishte dëgjuar për këtë mundësi. Privilegji i vetëm nga kjo ndërmarrje është kënaqësia që u dhuron të tjerëve. Moderimi i këtij programi bëhet pa kurrfarë kompensimi. Përkundrazi, aty duhet investuar. I tërë materiali muzikor duhej siguruar nga vetë moderatori. «Ja bileta e trenit», tregon Emini «– e blej vetë!»

Rrallë ndodh që moderatori të mos mund ta plotësojë dëshirën muzikore të ndonjë dëgjuesi. Ai e ka një fond prej 350 CD-ve muzikore. Secila nga këto përmban nga 10-15 këngë dhe ka kushtuar nga 10-15 franga zvicerane. Ato i blen në dyqanet e shqiptarëve në Zvicër. «Edhe në dyqanin e një serbi gjej nga ndonjëherë CD me muzikë shqipe», rrëfen gazetari autodidakt.

Ferit Emini është gjeneratë e 1951-shit. Gjimnazin e filloi në vendlindjen e tij – Kërçovë, për shkak të mbylljes së paraleleve në gjuhën shqipe u desh ta përfundonte në Gostivar. Në Zvicër ka ardhur dy vjet pas mbarimit të gjimnazit, më 1972. Dhjetë vjet ka punuar në bujqësi, 17 të tjera në industri. Dikur u godit nga diabeti dhe momentalisht është në pension invalidor. «Kjo sëmundje kërkon shumë kujdes», thotë Emini, duke ngritur një gllënjkë ujë. Një shkollë për gazetari nuk arriti ta bënte ndonjëherë, por zemra gjithmonë i rrah për të.

Emisioni i tij fillon më shtatë në darkë, Ferit Emini në orën katër pasdite është në studio! «Mezi pres të vij e hëna», thotë ai, dhe vazhdon: «Para se të fillojë emisioni, duhet të funksionojë gjithçka!». Prej disa muajsh, redaksisë së ‹Kanal K› në gjuhën shqipe i është bashkangjitur një mik i tij – Qenan Hamdiu, dhe një entuziaste tjetër – Nadina Krasniqi.

Kolegët e tij janë me pushime. Ferit Emini nuk i braktis dëgjuesit që kanë qëndruar në Zvicër. Në respekt të tyre, i ka shtyrë pushimet e tija dhe refuzon ta regjistrojë emisionin në CD e ta japë atë play-back. Aq më tepër që tani ka filluar transmetimi dyorësh.

«Dëgjues të nderuar, ky ishte programi ynë për sonte! Dëgjohemi të hënën e ardhshme!», lëshon Ferit Emini, pas dy orësh program shqip në eter. Në sekondat e ngelur vjen edhe një herë himni i emisionit. Pason një gllënjkë ujë që shijon më së miri.Ferit Emini prej 15 vjetësh e moderon vullnetarisht programin shqip në radion ‹Kanal K›, në Aarau. Ai bisedon me dëgjuesit dhe i qeras ata me muzikë shqipe nga fondi i tij prej më se 4’000 këngësh.

Teksti dhe foto Kujtim SHABANI

«Dëgjues të nderuar, mirëmbrëma! Jeni me emisionin ‹Zëri i mërgimtarit› në ‹Kanal K›», dëgjohet Ferit Emini deri në Francë dhe Gjermani, në veri-perëndim të Zvicrës. Ndërsa për disa sekonda e lëshon himnin e emisionit, e pi një gllënjkë ujë për të vazhduar me programin: lajme-muzikë, urime-muzikë, biseda-muzikë…

Prej 15 vjetësh, Ferit Emini e udhëheq këtë program. Çdo të hënë, me emocione, sikur e bën për herë të parë, nga ora 19:00 deri në 20:00. Nga 11 gushti i këtij viti filloi transmetimi 120-minutësh, nga ora 19:00 deri në 21:00.

Shqipja, në vendin e parë

Radioja alternative ‹Kanal K› në Aarau ekziston prej rreth 25 vjetësh. Ajo momentalisht transmeton program në 26 gjuhë: persisht, kurdisht, turqisht, serbisht, kroatisht… «Ne jemi në vendin e parë», pohon Ferit Emini, udhëheqës i programit në gjuhën shqipe në këtë radio. «Interesimi i shqiptarëve është më i madhi», konfirmon ai.

Deri 15 paraqitje të dëgjuesve regjistron ai brenda një ore emision. Komunitetet e tjera e kanë një orë program në dy javë, shqiptarët i kanë fituar dy orë në javë. Shumica e dëgjuesve dhe e bashkëbiseduesve të tij janë mërgimtarë shqiptarë që jetojnë në regjionin e Kantonit të Aargaut. Po atij i paraqiten dëgjues edhe nga Franca e Gjermania. Gjatë sezonit të pushimeve ka më pak thirrje telefonike, pranon Emini. Dëgjuesit e tij besnikë lajmërohen edhe nga Kosova, Maqedonia e Shqipëria. «Një ditë m’u paraqit një dëgjuese nga Mirdita!», rrëfen me kënaqësi Ferit Emini. «Ata e dinë orarin e transmetimit të emisionit dhe i përcjellin mesazhet e tyre nga pushimet në vendlindje», vazhdon ai.

Në fillim të programit moderatori i lexon disa lajme aktuale nga bota shqiptare. Pjesën më të madhe të emisionit e përbëjnë dëshirat muzikore në gjuhën shqipe. «Nganjëherë kemi edhe mysafirë në studio», e shpjegon ai përbërjen e programit shqip në ‹Kanal K›. Aty për aty, moderatorit i kujtohen Hamzë Morina – kryetar i Lidhjes së Arsimtarëve dhe Prindërve Shqiptarë në Zvicër, Milaim Rama – ish-futbollistit shqiptar në Kombëtaren e Zvicrës, Baca Raif Hajrullahu – një mërgimtar i respektuar nga Brugu.

Direktiva programore nga Bordi nuk ka. Deviza e tij është: Më pak informacion, më shumë argëtim. Ferit Emini transmetonte edhe materiale të regjistruara në manifestime të mërgimtarëve shqiptarë në Zvicër – intervista dhe program muzikor. Por, një ditë ia huazoi njëri aparaturën e regjistrimit dhe nuk ia ktheu më…!

Programi shqip, në duar të sigurta

Transmetimi i programit shqip në ‹Kanal K› ka filluar në vitin 1997. Udhëheqësit e tij të parë u dorëzuan pas dy vjetësh. «Si i ri e kam ndjekur me pasion të madh Radio Tiranën – emisionin ‹Për shqiptarët jashtë Atëdheut›», rrëfen Ferit Emini. «Nga ajo kohë jam dashuruar në radion», thekson ai. Ky ishte pasioni më i shtrenjtë në Jugosllavi: Për disa minuta kënaqësi mund t’i haje pesë vjet burg!

Ferit Emini ishte paraqitur ta moderonte programin shqip në ‹Kanal K› sapo kishte dëgjuar për këtë mundësi. Privilegji i vetëm nga kjo ndërmarrje është kënaqësia që u dhuron të tjerëve. Moderimi i këtij programi bëhet pa kurrfarë kompensimi. Përkundrazi, aty duhet investuar. I tërë materiali muzikor duhej siguruar nga vetë moderatori. «Ja bileta e trenit», tregon Emini «– e blej vetë!»

Rrallë ndodh që moderatori të mos mund ta plotësojë dëshirën muzikore të ndonjë dëgjuesi. Ai e ka një fond prej 350 CD-ve muzikore. Secila nga këto përmban nga 10-15 këngë dhe ka kushtuar nga 10-15 franga zvicerane. Ato i blen në dyqanet e shqiptarëve në Zvicër. «Edhe në dyqanin e një serbi gjej nga ndonjëherë CD me muzikë shqipe», rrëfen gazetari autodidakt.

Ferit Emini është gjeneratë e 1951-shit. Gjimnazin e filloi në vendlindjen e tij – Kërçovë, për shkak të mbylljes së paraleleve në gjuhën shqipe u desh ta përfundonte në Gostivar. Në Zvicër ka ardhur dy vjet pas mbarimit të gjimnazit, më 1972. Dhjetë vjet ka punuar në bujqësi, 17 të tjera në industri. Dikur u godit nga diabeti dhe momentalisht është në pension invalidor. «Kjo sëmundje kërkon shumë kujdes», thotë Emini, duke ngritur një gllënjkë ujë. Një shkollë për gazetari nuk arriti ta bënte ndonjëherë, por zemra gjithmonë i rrah për të.

Emisioni i tij fillon më shtatë në darkë, Ferit Emini në orën katër pasdite është në studio! «Mezi pres të vij e hëna», thotë ai, dhe vazhdon: «Para se të fillojë emisioni, duhet të funksionojë gjithçka!». Prej disa muajsh, redaksisë së ‹Kanal K› në gjuhën shqipe i është bashkangjitur një mik i tij – Qenan Hamdiu, dhe një entuziaste tjetër – Nadina Krasniqi.

Kolegët e tij janë me pushime. Ferit Emini nuk i braktis dëgjuesit që kanë qëndruar në Zvicër. Në respekt të tyre, i ka shtyrë pushimet e tija dhe refuzon ta regjistrojë emisionin në CD e ta japë atë play-back. Aq më tepër që tani ka filluar transmetimi dyorësh.

«Dëgjues të nderuar, ky ishte programi ynë për sonte! Dëgjohemi të hënën e ardhshme!», lëshon Ferit Emini, pas dy orësh program shqip në eter. Në sekondat e ngelur vjen edhe një herë himni i emisionit. Pason një gllënjkë ujë që shijon më së miri.