Malli

Foto: Shutterstock



Syri-i bukur që t’u mvrejt –
Syri yt që më lëndo n-
Do më lerë-a von a shpejt,
Do më lerë-a shpejt a von.

Sapo shpirti m’u dëlir –
Shpirti im i nxirë krejt –
Do më lerë me pahir
Syri-i bukur që t’u mvrejt.

E do mbetem përnjëmënd
Varfanjak si mbret pa fron:
Mbretëresha që më çmënd
Do më lerë-a shpejt a von

Do më lerë-a von a shpejt,
Do më lerë-a shpejt a von,
Syri-i bukur që t’u mvrejt –
Syri yt që më lëndon.

Do më lerë… A! po si –
Qoftë-ahere-ose tashi –
Do të qaj aq dashuri
Që do humb me mall te ti?