Kafjalli




Qiti kafe
në filxhan
Qiti qumësht
Në filxhanin e kafesë
Qiti sheqer
Në kafe me qumësht
Më lugën e vogël
E përzjeu
Piu kafenë me qumësht
Dhe e la filxhanin
Pa folur me mua
Dhezi
Një cigare
Bëri rrathë
Me atë tym
Shkundi hirin
Në taketuke
Pa folur me mua
Pa më shikuar
U ngrit
Vuri
Kapelën në kokë
Veshi
Mantelin e shiut
Sepse binte shi
Dhe u nis
Nëpër shi
Pa një fjalë
Pa më shikuar
E unë kapa
Kokën me dorë
Dhe qava.

Përktheu: Rexhep Ismajli