Goditet për vdekje një këmbësor në Kamenicë

Një person është goditur për vdekje nga një veturë, në fshatin Muqivërc të Kamenicës, mbrëmjen e së premtes.




“Raportohet se i dyshuari mashkull shqiptar duke lëvizur me veturë nga pakujdesia dhe mos përshtatja e shpejtësisë së lëvizjes me kushtet e rrugës ka goditur këmbësorin – viktimën mashkull shqiptar. Viktima ka pësuar lëndime të rënda trupore dhe nga lëndimet e marra ka ndërruar jetë”, thueth në raportin e Policisë së Kosovës.

Vdekjen e viktimës e ka konstatuar mjeku kujdestar në vendin e ngjarjes.
“I dyshuari është arrestuar dhe me urdhër të prokurorit dërgohet në mbajtje ndërsa viktima është dërguar në Institutin e Mjekësisë Ligjore për obduksion”, thuhet në raport.