Gjenden dokumente dymijë vjeçare që flasin për Londrën si qytet

Arkeologët britanikë kanë gjetur dokumente romake 2000 vjet të vjetra në një shesh ndërtimi në Londër, njoftoi agjencia e lajmeve AP, transmeton Koha.net, duke shtuar se ato janë dokumentet më të vjetra të shkruara, që janë gjetur ndonjëherë në Britaninë e Madhe.




Më shumë se 400 pllaka të vjetra nga periudha 57 deri 80 vjet para Erës Sonë u gjetën, ndërsa punëtorët po gërmonin për themelet e një godine të re të kompanisë Blumberg.

Ekspertët e Muzeut Arkeologjik të Londrës kanë gjetur se në këto pllaka përmend qyteti Londinium, që është dëshmia më e vjetër me shkrim e përmendjes së këtij emri romak për kryeqytetin britanik.

Arkeologu Sophie Jackson ka thënë se ky është një zbulim me rëndësi të madhe sepse «na tregon për gjeneratën e parë londineze».

Pllakata e vjetra ishin ruajtur për shkak se ishin të zhytura në baltën e lumit nëntokësor Valbruk, i cili në kohët romake përshkonte qendrën e atëhershme të Londrës.