E kam dashur, por…




Thoni atij burrit
se e kam dashur
jepni xhevap
kthejeni aty ku fryjnë erërat në të katër anët
sepse ai e ka humbur rrugën
dhe ndoshta edhe fiqirin
E dua
por dua një gurë
për ta vënë kokën mbi të
nuk dua re, që
si një anije e dehur
shkon në drejtim të panjohur
Nëse e gjeni
në mejhanet
në portet e piratëve
në trenat e të dëbuarve
kudo që mund ta gjeni
nën ura dhe kodra
jepni xhevap
Ndoshta rrahja e
tëmthave të tij
në gjakun tim
do të pushojë dalëngadalë
dhe ndoshta prushi
i dëshirimive të tij do të shkëputet
prej buzëve të mia
Jepni xhevap se zemra e tij
në dorën time është si zog
që nuk fluturon.

Përktheu: Enver ROBELLI