Çka mësova unë

Foto: Shutterstock



Këngë gegërishte

Me u ra tërthoreve trup
Me ndie andjet tue lehë
Me rrâ mbas xixave n’pup
Me u ndejtë dhimbjeve n’teh
Me shkelë prajshëm n’për tokë
N’venë t’fjalëve mos me u de
Me i ndreqë muret me kokë
Me thanë fat kobi ku je
Mos ma dashtë ngushllim
Me folë pa halë me mikun
M’u varë në çengelin tim
Me ndezë kandila t’fikun
Me i vëre vetimët në sy
Me matë me dorë në zemër
Me gjerbë e mos me pështy
Me prekë Akilin n’themër
Ndër sqota mos me u mekë
Me qeshë pelim me vuejtë
Me dashtë si me vdekë dhe
Me vdekë si me luejtë