Bari në dritare

Foto: Shutterstock



Më kalben pemët në tryezë
nis t’i këpus mollët e tharta
ta zhduk afatin e vdekjes së frutit

dikush që më do fshehurzi
ma gjuan faqen e saj të papjekur
që të heq dorë nga mollët e panjohura

shqelmoji pemët në mbrëmje
më thotë një zë i largët
të del filizi nga balta në mëngjes

përtej kopshtit hidhe farën
kur ndërron stinët dhe kur gjethet bien
ta ruash shtëpinë për të mbuluar gjethet fytyrën

po të hyri bari në dritare
mos thuaj të është rritur kopshti në tryezë
triumf i vdekjes mbi hark të gjelbër