Dienstag, 16. Januar 2018

dp

dp
4421 POSTIME 0 KOMENTET

Zëri i viktimave nuk mund të mbytet

Diktatura ushtarake në Argjentinë mori fund para 34 viteve. Viktimat kërkuan 34 vjet drejtësi. Në fund të nëntorit 48 ish-ushtarakë u dënuan me burg për keqtrajtimin dhe vrasjen e 789 njerëzve. Nëse ndokush në Kosovë mendon se familjet e viktimave duhet të heshtin - e ka shumë gabim. Refuzimi për të folur për anët e errëta të historisë më të re të Kosovës na bën shoqëri johumane, të padrejtë dhe antiperëndimore. Këtë, me sa duket, nuk duan ta kuptojnë shumë aktivistë të shoqërisë civile dhe propagandues të ndryshëm cinikë, andaj sillen me aq oportunizëm dhe shpërfillje ndaj viktimave.

Alpet – më afër kozmosit se tokës që të ngrohë

Alpet janë gjithçka tjetër përveç se mikpritëse për t’u shpërngulur dhe për të banuar aty. Njerëzit vazhdimisht kanë qenë të interesuar që këto rajone të djerra alpine të mos i shfrytëzojnë vetëm si qafëmale dhe rrugë për të shkuar në treva të tjera, për të shkëmbyer mallra dhe bërë tregti, por edhe për t’u vendosur në alpe, për të kaluar atje stinët e vitit dhe për t’i garantuar vetes dhe njerëzve të afërt një ekzistencë me dinjitet.

St. Moritz, aty ku pushojnë pasanikë, politikanë dhe ndonjë plaçkitës

Para më shumë se 150 vitesh një hotelist zviceran pati një ide gjeniale: ta bëjmë fshatin e bujqve St. Moritz në fshat ku edhe gjatë dimrit pushon bota. Një histori suksesi ku dallohet sidomos hoteli «Carlton» - dhe fjala «kulm», e cila domethënë majë. Kjo fjalë latine e ka gjetur rrugën për të hyrë si në gjuhën gjermane ashtu edhe në gjuhën shqipe.

Idhujt e fesë, idhujt e politikës

Sikur ndalesa e idhujtarisë të çlirohej nga dogma fetare, sigurisht se do të mund të vërehej se në fakt idhujtaria ka mbijetuar atje ku pritet më së paku – në politikë. Kulti i personalitetit, i njohur nga komunizmi, nuk është zhdukur, vetëm së është shumëfishuar në më shumë udhëheqës shtetërore, partiakë a lokalë. Përndryshe nuk do t’u shkonim prapa aq verbërisht, por, sikur të mos na i verbonte sytë lakmia, frika apo dëshira për nënshtrim, do t’i shihnim të tillë çfarë janë – mashtrues e horra. Shumë të rinjve më të afërt ju duken disa hoxhallarë, sidomos ata të cilët flasin me fjalor më të thjeshtë, po ngulmues, ndërsa harrojnë se, mu kur flasin kundër idhujtarisë, bëhen vetë idhuj. Shikojeni se sa video të tyre ka në internet, sikur të ishin yje të muzikës pop, dhe sa njerëz i përcjellin!

A i duhet Vetëvendosjes një mediator i jashtëm?

Konflikti mes grupeve në VV po merr përmasa absurde. Dorëheqjet dhe fushatat kundër të dorëhequrve po i ngjajnë kërcimit të gjelave. Komunikimi po zhvillohet nga distanca - përmes mediave sociale. Ndoshta VV-së i duhet një mediator i pavarur, me autoritet, i cili do të angazhohej për të mundësuar komunikimin direkt mes kampeve të ndryshme. Ndryshe VV për çdo ditë do ta humbë edhe më shumë kredibilitetin.

Mediat serioze janë (duhet të jenë!) infrastruktura e demokracisë

Më 4 mars zviceranët votojnë për apo kundër ndërprerjes së financimit për televizionin dhe radion publike. Debati për këtë çështje tashmë është dramatik - dhe nuk ka të bëjë vetëm me Zvicrën. Si duhet të votojnë shqiptarët me shtetësi zvicerane?

Allegra!

Zvicra është një vend i bukur, i karakterizuar nga shumë kushte të favorshme jetësore. Zviceranët dhe zviceranet konsiderohen si natyra të rezervuara, serioze, të qeta dhe të druajtura. Lumturia e tyre assesi nuk mund të lexohet në fytyrat e tyre në çdo vend dhe në çdo orë të ditës. Tani takon dikë, i cili thotë: «Allegra!» Me këtë ai thotë: ti i ke të gjitha arsyet të gëzohesh! Të jesh i lumtur! Ta kesh lehtë! Ec përpara i kënaqur dhe plot dëshirë! Përqafoje jetën! Freskohu! Vazhdo me disponim të mirë! Që të ndihesh mirë!

Kultura politike në Gjermani: një gabim i vogël dhe ministri përjashtohet nga qeveria për...

Disa shembuj mbi largimin nga postet publike të politikanëve gjermanë – dhe një krahasim me «Aferën St. Moritz» të kryeministrit të Kosovës Ramush Haradinaj. A shtrihet tash Kosova deri te Kulla e Zhlepit apo deri në St. Moritz?

Zvicra e miteve dhe ëndrrave

Shtyllat themelore të kulturës janë kujtesa për kohërat e shkuara, kureshtja për kërkesat e së tashmes dhe fantazia për zhvillimet në të ardhmen. Nëse një shkrimtar ballafaqohet me fenomenin Zvicër, ai nuk dëshiron vetëm të zgjerojë dijen për këtë vend. Ai po ashtu dëshiron të zhvillojë një ndjenjë se çka është e denjë për ta dashur dhe për ta çmuar në këtë vend.

Fëllanzat dhe piskamat e mbytuna të nji dhimbjeje të madhe

Tregimi «Fëllanzat» i Gazmend Bërlajollit na e kujton edhe obligimin tonë si shoqni me i përcjellë tutje tregimet e grave të përdhunume e me mësue prej dhimbes së tyne; me mësue që s’ka kurrgja të lavdishme në luftë; dhe me mësue qysh me e ndërtue nji të ardhme në të cilën vuejtja e viktimave të përdhunimit asht me randësi me u kuptue, e jo marre që duhet me u mshefë.
Copy Protected by Chetan's WP-Copyprotect.