Monday, 20. May 2019

dp

5429 POSTIME 0 KOMENTET

Rusja e bukur me thonj të zinj në Ibiza

Në incizimet sekrete të politikanëve austriakë në Ibiza ka disa skena pothuaj teatrale. Për shembull: thonjtë e papastër të këmbëve të ruses e bëjnë mosbesues Heinz-Christian Strachen. Edhe një pyetje është me rëndësi: kush e ngriti kurthin dhe cili mund të jetë roli i një humoristi gjerman në këtë aferë?

Në anën e duhun të drejtësisë

Na nuk guxojmë me leju që ata me kërku amnisti për veprimet e tyne mes nesh, ndaj nesh, e në emnin tonë, përmes lojnave politike në fakt me e marrë dhunshëm këtë amnisti tue i keqpërdorë plagët e mijërave njerëzve të pafajshëm që u viktimizuen dhe tue e rreziku punën e palodhshme ndër vite të njerëzve të tjerë që u qëndruen në krah viktimave civile të luftës tash e njizet vjet në sfidat e mëdhaja të rehabilitimit dhe luftës së tyne për drejtësi.

Si po i ndihmon budallallëku shqiptar propagandës së ndyrë serbe?

Gazeta «Blic» e Beogradit shkruan se Flora Brovina e ka takuar Bin Ladenin në Tiranë në vitin 1995. Përse të mos shpifë fletushka serbe kur edhe vetë Hashim Thaçi vitin e kaluar e akuzonte Sali Berishën se e ka strehuar Bin Ladenin? «Blic» e plotëson rrenën e Thaçit duke thënë se edhe Hashim Thaçi ka qenë në takim me Bin Ladenin. Plus Ramush Haradinaj.

«Kështu nuk është Austria»: Presidenti Alexander Van der Bellen qorton ashpër politikanët e komprometuar...

Presidenti i Austrisë Alexander Van der Bellen ka lëshuar një deklaratë me rastin e rrëzimit të qeverisë pas skandalit me nënkancelarin Heinz-Christian Strache. Van der Bellen ka lavdëruar sidomos rolin thelbësor të gazetarisë së pavarur në një demokraci funksionale liberale. Pushteti i katërt në këtë rast e ka ushtruar plotësisht përgjegjësinë e vet, mendon kryetari.

Dinamikat e reja të diasporës shqiptare

Pothuaj të gjithë shqiptarët në diasporë vazhdojnë të ballafaqohen me ksenofobinë dhe imazhin negativ të krijuar në kurrizin e tyre ndër vite, por ata mundohen ta luftojnë stereotipin duke dhënë shembuj pozitiv të integrimit. Këtu po ndodh një ri-identifikim, një ri-grupim në diasporë që hap hapësira të reja të vetëdijes. Por si çdo zhvillim shoqëror, edhe ky kërkon kohë derisa mund të observohet në përgjithësi dhe në një shkallë që nuk mund te mohohet më.

Vetëm 18 orë pas zbulimit të skandalit, Strache përjashtohet nga qeveria e Austrisë

Kancelari austriak Sebastian Kurz i ka dhënë fund bashkëpunimit me politikanin popullist Heinz-Christian Strache pas publikimit të një materiali komprometues. Strache tha para mediave se në një takim me një ruse atraktive në një vilë në një ishull spanjoll është sjellë si një pijanec në pubertet. Paraqitja e tij para mediave ishte një komedi reale. Ai tha se jep dorëheqje si nënkancelar dhe kryetar i partisë populliste FPÖ.

Nënkancelari austriak Strache: Serbia është vend fantastik, atje jam i popullarizuar gati sa Putini

Një takim me një gjoja investitore ruse në një ishull spanjoll e ka futur në vështirësi nënkancelarin popullist austriak Heinz-Christian Strache. Në takim Strache premton tenderë shtetërore nëse rusja i jep para për të financuar fushatën elektorale. Sipas agjencisë gjermane të lajmeve DPA kancelari Sebastian Kurz do t’i japë fund sot bashkëpunimit me Strachen.

Bomba e mediave gjermane: Nënkancelari austriak Strache i ofroi tenderë një milionereje të rrejshme...

Sipas revistës «Der Spiegel» dhe të përditshmes «Süddeutsche Zeitung» në vitin 2017 politikanët e së djathtës ekstreme austriake Heinz-Christian Strache dhe Johann Gudenus takuan në ishullin Ibiza një ruse, e cila u prezantua si investitore. Strache dhe Gudenus, të dy politikanë prorusë dhe proserbë si dhe kundërshtarë të pavarësisë së Kosovës, i premtuan ruses tenderë nëse ajo do t’u jepte para për fushatën elektorale. Opozita në Austri ka kërkuar dorëheqjen e Straches, i cili është nënkancelar.

Mbaroi emisioni «24 orë rrena me deputeten e PDK-së»

E tani? Vetëm një gjë nuk guxon të ndodhë: që të sillemi sikur me kaq iu vu kapaku tenxheres së rrenave dhe manipulimit nga ana e PDK-së. Jo, tash duhet të nisë largimi nga pushteti i kësaj partie që nga Kosova e dëbon edhe dinjitetin elementar njerëzor, edhe turpin, edhe fijet e fundit të së vërtetës.

«Republika e Mahongshit»

Shkaktari i skandalit me fotografitë sipas të gjitha gjasave të rrejshme që u prezantuan në opinion e ka një emër: Kadri Veseli. Sjellja e tij mbase nuk është aq befasuese. Diçka tjetër s’pritet prej tij. Por, a ka mbetur ndokush në kryesinë e PDK-së që ka kurajë të flasë? Të kritikojë. Të protestojë. Të revoltohet. Të mendojë se Kosova është më shumë se edhe një mandat i PDK-së në pushtet. Se Kosova do të ekzistojë edhe pasi krerët e PDK-së do të ndajnë të gjitha resurset si në darkën e fundit të një grupi mafioz.
Copy Protected by Chetan's WP-Copyprotect.