Aksident në magjistralen Prishtinë – Mitrovicë, vdes motoçiklisti

Një person ka vdekur në një aksident të rëndë, që ka ndodhur mëngjesin e sotëm në magjistralen Prishtinë- Mitrovicë në fshatin Gracë, njofton KTV. Një makinë është aksidentuar rëndë me një motoçiklete. Policia është ne vendin e ngjarjes dhe po heton rrethanat e këtij aksidenti.




Zëdhënësi i Policisë për rajonin e Mitrovicës, Avni Zahiti ka thënë se një person ka vdekur në vendin e ngjarjes. Ai ka shtuar se policia po kryen hetimet, ndërsa ende nuk dihen shkaqet të cilat çuan tek aksidenti.

Të rikujtojmë se një aksident i rëndë ka ndodhur edhe dje në orët e mbrëmjes, të së dielës, në vendin e quajtur “Te rrethi”, në Prishtinë. Si pasojë e këtij aksidenti, janë lënduar 11persona. Policia ka thënë se një nga të lënduarit është në gjendje kritike. Bëçhet fjalë për një grua, shtatzënë.Të lënduar ishin duke pritur autobusin derisa një veturë e tipit “Audi” i ka goditur ata.